0
0
〈好遊〉旅癮開箱UNIQLO澳門全新大三巴店|新店亮點大公開

〈好遊〉旅癮開箱UNIQLO澳門全新大三巴店|新店亮點大公開

〈好遊〉旅癮開箱UNIQLO澳門全新大三巴店|新店亮點大公開

【旅癮我最大】風靡全球嘅日本時尚服飾零售商 UNIQLO 上月底終於喺大三巴開新店啦!小編灰佬Funo同Issa爱莎收到風就第一時間撲去新店現場為大家開箱先~聽講呢間大三巴前店會有好多時尚單品同獨家優惠!心思思嘅朋友仔,事不宜遲,即刻帶大家睇下啦!

★ 結合澳門特色元素 超多打卡位靚爆眼球

今次UNIQLO在澳門開幕最大嘅門店,選址更是位於大三巴牌坊購物中心帶,當歷史悠久的建築群和耶穌會紀念廣場碰上現代潮流服飾文化,充分體現出新店匯聚歷史及促進本土文化新舊交融嘅氣息,同時新店結合咗好多富有澳門特色嘅元素,而且門店樓面足足有五層咁大,一定夠曬你行足成日~

★ Uniqlo U —澳門首次全系列開售!

而大三巴前店最具特色嘅地方,就不得不提最頂層嘅聯乘系列及UT區,目前喺聯乘系列區已經集齊咗最hit嘅Uniqlo U全系列開售~睇到我都好心動啊!

Uniqlo U系列每季都係時尚愛好者必搶嘅單品,而Uniqlo U全系列將會喺大三巴新店有售!

Uniqlo U由UNIQLO巴黎研發中心藝術總監Christophe Lemaire主理,最新系列以各種中性色調為基礎,同時融入色彩柔和嘅單品作為點綴,完美展現簡約美學,係今年演繹秋冬時尚造型嘅首選啊!

特別一提喺UT區裡面,推出咗UNIQLO x《鬼滅之刃》聯名合作款服飾,除此之外仲有好多唔同合作嘅款式㗎~任君挑選!同時除咗男女同款嘅T恤外,仲有童裝用品同配飾一同登場!熱愛日漫嘅你,千其唔好錯過啦~

★首次港澳地區登場UTme!訂製服務

一直廣受歡迎的UTme! 訂製服務亦都會喺大三巴店首次登場!只要利用店舖內嘅iPad自由挑選喜愛嘅設計圖案,最快只需要20分鐘,就可以印刷出一份個人專屬T恤和Tote Bag哦~呢個服務就體現出UT系列取材來自世界各地嘅流行文化,讓小編可以喺現場訂製符合自己個性同品味嘅時尚單品~真喺好特別~

★本地文創設計聯乘,打造澳門時尚特色

今次仲特邀咗四位超有特色嘅澳門插畫師合作的UTme!設計系列,各式各樣嘅圖案設計,創作出一系列展現澳門情懷嘅特色設計,是大三巴新店開幕嘅首個澳門企劃哦!每一件都可以令你感受到澳門嘅原創特色,係澳門呢個充滿原創文化氣息嘅城市裡,都忍唔住想買多兩件,件件都獨一無二啊~

董文稘(Kat Tung)設計作品

充滿特色的葡國公雞、舊巴士和信箱嘅設計概念,真係超有心思啊~

吳文政(Jinn Ng)設計作品

以漫畫式刻畫出澳門獨有中古特色的街景,體驗真實的復古旅程

雷欣宜(Tramy Lui)設計作品

結合本地日常小物、景點與情懷小物帶出澳門特色

廖健明(Jin Lio)設計作品

運用漫畫形式走訪澳門街道為概念,見證城市成長

除咗本地插畫師嘅圖案可以揀之外,仲有其他迪士尼嘅圖案任君選擇~啱曬充滿少女心嘅你~

Funo同Issa作為澳門本土設計嘅收藏愛好者,都即刻買咗幾件返屋企珍藏啊~

★與澳門插畫師協會合作打造城市地圖,一覽澳門之美!

除咗UTme! 澳門元素圖案之外,店裡仲有一幅由澳門插畫師繪畫嘅城市地圖,只要跟住呢幅地圖遊澳門就可以感受特色老店同新興文創地區所帶比你嘅新活力,體現新舊文化交融下嘅獨有生命力~

★ 精選入秋必備時尚新品

小編行咗一圈,發現新店內嚴選左一系列入秋必備嘅時尚單品,比大家可以隨心變換流行造型!多款大熱配色嘅男女裝運動衛衣,任你配搭出富有層次同色彩嘅秋季風格~

鍾意優雅風格嘅一眾女士都可以揀日本人氣熱賣緊嘅U薄紗企領恤衫,增添知性魅力!此外,店內仲有多款男女裝法蘭絨恤衫,顏色圖案超級豐富,可以作為薄外套或者上衣穿著,簡單又時尚~

店內仲有時尚迷最愛嘅LifeWear magazine第3期,客人可以免費領取,數量有限哦!

要打造唔同嘅秋季造型,又點少得必備嘅百搭基本單品呢?入秋時尚單品就包括大量男女裝褲款,有多種材質任你揀,輕鬆應對日常場合。而且呢度啲女裝超彈性緊身褲嘅剪裁貼身又舒適,男裝束腳褲嘅窄腳設計具有俐落嘅時尚感,勁適合休閒上班同日常穿搭。

小編仲驚喜地發現,大三巴新店開幕期間,一連九天多款服飾及時尚單品都會有獨家門店優惠,折扣十分吸引,大家呢幾日快啲去潮聖同掃貨啦!

★ 新店獨家開幕禮遇:限定毛巾禮盒

小編喺現場還見到,為咗慶祝UNIQLO大三巴新店開幕,喺9月30日至10月8日期間,顧客凡單次購物淨額滿$600,就可以獲贈限定版毛巾禮盒一份!

禮盒每日限定300份哦~數量有限,先到先得,每日送完即止~ 想要嘅粉絲就記得提前準備啦!

新店有齊曬男、女及童裝嘅LifeWear高品質服裝~啱曬一家大細趁秋冬來臨又想買新衫嘅你,仲唔快啲行動~

UNIQLO大三巴前店
地址:澳門耶穌會紀念廣場 2號牌坊廣場購物旅遊中心,大三巴巷
開幕日期:2020年9月30日

  1. 更多
  1. 政府提出全體公務員劃一加薪2.5% 楊何蓓茵相信不會影響士氣
    政府提出全體公務員劃一加薪2.5% 楊何蓓茵相信不會影響士氣
    3小時前
  2. 【7月5日疫情速報】(22:50)
    【7月5日疫情速報】(22:50)
    16分鐘前
  3. 高院收可疑白色粉末郵包 律政司司長林定國譴責事件
    高院收可疑白色粉末郵包 律政司司長林定國譴責事件
    42分鐘前
  4. 教宗方濟各冀與華續簽中梵協議
    教宗方濟各冀與華續簽中梵協議
    57分鐘前
  5. 【附連結】55個地方納入強制檢測公告 (7月5日)
    【附連結】55個地方納入強制檢測公告 (7月5日)
    57分鐘前
  6. 北約成員國簽署議定書 啟動瑞典和芬蘭加盟程序
    北約成員國簽署議定書 啟動瑞典和芬蘭加盟程序
    1小時前
  7. 王毅布林肯出訪東南亞 兩人將在峇里會面
    王毅布林肯出訪東南亞 兩人將在峇里會面
    1小時前
  8. 澳門增89宗新冠病毒確診 新葡京酒店現感染群組
    澳門增89宗新冠病毒確診 新葡京酒店現感染群組
    1小時前
  9. 公民科教科書提及香港從不是殖民地 教育局:經評審教科書糾正觀念
    公民科教科書提及香港從不是殖民地 教育局:經評審教科書糾正觀念
    2小時前
  10. 廣西全州信訪拐童案不獲受理 衞健局局長停職
    廣西全州信訪拐童案不獲受理 衞健局局長停職
    3小時前