【Now新聞台】截至早上11時止，1小時内《彭博》用戶關注度上升最多港股，依次為中銀香港、中國石油化工股份、信達生物、中國鋁業及長城汽車。
上榜嘅中銀股價噚日升上逾3年高位，但今日已連開第2支陰燭，仲失守10天線。美國通脹持續升溫，而市場繼續高唱加息下，本來應繼續利好銀行股，加上內銀股又獲大行加持，點解內地及本港嘅銀行股今日齊齊受壓？
京華山一國際研究部主管彭偉新指，內地及本港嘅銀行股之前升得比較急，所以依家有回調壓力，雖然中銀股價跌得較多，但資金流出相對較少，噚日上到近年高位，吸引投資者先行獲利離場，但喺低位企得穩，相信只要未跌穿20天線，都唔需要太擔心。
