【Now新聞台】截至早上11時，1小時內《彭博》用戶關注度上升最多嘅港股，依次為中國奧園、中國石油股份、建設銀行、信和置業及快手。
港股半日市彈超過200點，全靠科網股帶領大市向上，指標作用有幾大？
耀才證券研究部經理譚智樂指，今日市況同上年12月尾最後一個交易日好似，同樣都係半日市夾重磅藍籌。展望第1季，可能要留意「泡沫股」，即未有盈利能力，以往估值好高，下跌空間好大嘅股票。
Arnold話，覺得科網股見底回升時機未到，如果新年後有壞消息，例如反壟斷消息或聯儲局有人提及稅收問題，市況有機會轉差。由於今日係港股牛年最後一個交易日，收爐味濃，唔排除個別跌得急嘅股份之後會出現技術反彈。
