【Now新聞台】截至早上11時止，1小時内《彭博》用戶關注度上升最多的港股，依次為京東健康、信達生物、世茂服務、中國宏橋及五礦資源。
京東健康今朝平開後，股價跌到一仆一碌，一度急挫逾9%，係表現最差科指成分股，險守60元關。股價跌到咁，但其實一啲消息都冇，係咪同「殺估值」有關？
圓通環球金融集團行政總裁曾永堅指，市場已陸續消化行業監管消息，唔會預期政府再針對消費類電商，但對於個別領域，例如醫療健康相關嘅電商，市場就預期會有相關政策出台。
Jasper又話，市場留意到估值高嘅板塊輪流被抛售、沽空，眼見京東健康估值係咁升，於是紛紛貨掟。
