【Now新聞台】截至早上11時，1小時內《彭博》用戶關注度上升最多的港股，依次為中國石油股份、創科實業、建設銀行、華潤置地及特步國際。
亞洲時段紐油再破位，逼近91美元，年至今累升咗20%，烏克蘭局勢持續緊張，早前，美國總統拜登批准增派約3000人的軍隊去東歐，局勢發展令油價繼續上衝機會有幾大?
大華繼顯執行董事梁偉源指，油價飆升到90美元樓上有兩個原因，分別係烏克蘭局勢緊張，以及美國天氣嚴寒影響石油生產，不過，美國國防部發言人講明唔會派兵到烏克蘭，加上冬奧舉行期間，有非文明規定係唔會發動戰事，所以烏克蘭局勢未來兩星期惡化機會唔大。
此外，有預測指美國嚴寒天氣會慢慢舒緩，會對石油生產有幫助，相信油價再大幅度上升空間唔大，相關股份亦會在呢啲位有阻力。
