【Now新聞台】截至早上11點，1小時內《彭博》用戶關注度上升最多嘅港股，依次為當代置業、龍光集團、港交所、大唐新能源、建設銀行。
噚日大摩指內房現價已反映債務違約風險及樓市弱勢，上調板塊評級至「吸引」，估計政策將會放寬有利內房，但其實係咪真係咁樂觀？
京華山一國際研究部主管彭偉新指，以行業周期嚟講，内房爆煲冇耐，未來事態發展係點仍然係未知數，唔同內房「出事」帶嚟嘅影響都唔同，估計大摩係以純估值去衡量，而當估值較平時就係吸納機會，但如果内房股繼續爆出違約事件，到時投資者手持嘅股份隨時低處未算低。
