【Now新聞台】截至早上11點，一小時內《彭博》用戶關注度上升最多的港股，依次為中國鋁業、中國宏橋、華潤電力、中國建材、長實集團。
「鋁土礦」主要供應國幾內亞發生兵變，當地政局動盪加劇咗市場對鋁供應的憂慮，國際鋁價(LME)升至十年高位，兩隻鋁股，中國鋁業、宏橋表現分化，前者一度升8%，後者則跌約5%，幾內亞佔中國鋁供應一半以上，今次兵變係咪會對鋁價有嚴重影響？
圓通環球金融集團行政總裁曾永堅指，今次幾內亞兵變對國際鋁價必然有影響，供應方面進入瓶頸，因應新能源、內地下半年建築行業發展，需求方面有升無跌，供需嘅缺口只會越嚟越大，令鋁價有易升難回嘅趨勢。
Jaseper又話，中國鋁業、宏橋表現分化主要因為前者屬於供應鏈上游，受惠於鋁價持續升勢，成為供需缺口持續下資金追求嘅結果。
