【Now新聞台】截至早上11點，1小時內《彭博》用戶關注度上升最多嘅港股依次為：中國鐵塔、中國石油、小米集團－Ｗ、藥明生物、萬洲國際。
中國鐵塔中午出全年業績，績前逆市造好，一度升6.5%，見1.31元嘅一個月高位。
圓通環球金融集團行政總裁曾永堅認為，今早鐵塔股價上升有兩個原因。基本面分析，整個電訊板塊第四季收益表現唔錯，加上市場預期中移動加快5G投資，令股民對鐵塔有憧憬。而技術上，股份近日突破50同100天線，吸引資金炒落後。
不過曾永堅表示，公司股價接近超買水平，估計要上返1.35元先會有資金再追入。
