【Now新聞台】截至早上11點，1小時內《彭博》用戶關注度上升最多的港股，依次為信義光能、創科實業、中芯國際、中國有贊、中國石油化工。
信光噚日出咗業績，股價今日一度大跌近9%，主要受管理層預期，下半年光伏玻璃供應回復充裕，價格可能會下調30%，同埋畀大行唱淡影響。
京華山一國際研究部主管彭偉新指，光伏玻璃整體價格舊年開始升唔停，升幅非常顯著，不論行內或冇投資過光伏玻璃嘅公司都投資呢門生意，對於未來光伏玻璃嘅整體價格有好大「推倒作用」。佢又話，信光股價已經升到一個完全唔合理嘅水平，加上管理層對光伏玻璃嘅前景都唔睇好，股價有機會大調整，後市要留意守唔守得住100天線。
