【Now新聞台】截至早上11時止，《彭博》系統Top Search No. 1為華潤啤酒，第2至5位依次為國泰航空、交通銀行、新世界發展及中國鐵塔。
國泰開市前出通告，確認正洽談收購廉航香港快運航空，但目前未就此收購事項訂立任何協議。此外，集團下周三就會公布全年業績，早前曾經發盈喜，預期會轉虧為盈。國泰股價今朝曾經升約3%，高見13.42元。
Winnie指，通告有幾個特別之處，第一係集團冇講係咪只會收購少數權益，第二係只收購香港快運，唔包括香港航空，或者可以消除市場有關協同效應方面嘅疑慮，觀乎股價表現，都反映市場覺得交易對集團有利。Winnie又話，國泰股價喺放榜前一個星期開始起動都算差唔多。
