【Viu】Stanley@MIRROR主演嘅電影《告別的年代》終於喺香港上映啦!今日喺戲院舉行首映禮,獲「兄弟團」嘅Jer、Jeremy;ROVER嘅希晉、Kim;ZPOT嘅Alvin、Dave、Cow、Ian Hannz、Marcus;仲有曾學贊、陳子豐、米露迪、蔡宛珊、Kathy仔、黃奕晨等現身支持!
Stanley直言一直期待喺香港上映,想睇香港觀眾嘅反應,事關佢經過多倫多、台灣謝票後,知道電影係有啲複雜,每人嘅解讀不一,相信都會帶住一定嘅疑問,咁就不如安排影後分享會?同大家討論電影之餘,亦似開一個小型FM感覺!佢仲畀tips觀眾,睇戲前要有足夠睡眠,咁就可以慢慢細味成套戲啦!
提到電影喺台灣上映後吸咗唔少Team Stanley,特別係一眾「表妹」,Stanley亦打趣話知道有好多人落力sell佢副爆肌body去台灣,開心得到大家嘅喜愛!又講到有觀眾留言評Stanley同宋芸樺嘅床戲好養眼,大表哥怕醜叫大家唔好淨睇呢樣嘢,唔知老婆Alina睇咗未?Stanley話梗係有同老婆備案啦,加上Alina知道晒成個劇本,開拍前有幫手對戲?
雖然團con開騷在即,但Stanley話希望爭取時間謝票,又話有特別向憑《告別的年代》入圍金馬「最佳導演」楊毅恆打氣!講到團con籌備進度,大表哥話比想像中鬆動,咁Jer係咪如Edan所講入行8年都唔識wave?
劇集《kiDnap GAME》終於播出大表哥晒日文嗰集,獲觀眾激讚,佢則謙稱係靠日本演員導師幫手,加上自己嘅死記硬背,同時坂口健太郎、李準基都有指導佢,係愛呀!
同場嘅ROVER、ZPOT就喺度鬥眼淺爭紙巾,希晉話要喊濕Kim件衫?今個星期日就係金馬獎,入圍「最佳原創電影歌曲 」嘅Ian Hannz話會抱住放鬆心情去,Dave指到時會食住碟乾炒牛河支持;牛牛就爆已率先睇過兄弟套戰衣,超型咁話!另外,電影《大分瓶》即將上映,有份參演嘅希晉期待喺大銀幕見到自己?Kim爆成日收到希晉啲劇照睇到好老尷?想知就去睇足本訪問啦!
