【Viu】MIRROR三子Anson Lo盧瀚霆、Anson Kong江𤒹生同Stanley邱士縉今日出席《ViuTV 2027節目巡禮》，席間播出三齣由佢哋主演嘅劇集片花，包括《金秘書為何那樣》、《黑心林》同《戀愛流沙》，AL以「人間極樂」嚟形容同Ivy So嘅激情戲；AK即笑言係咪「荒淫無道」，又預告《黑心林》嘅親熱戲去到「半月板」咁低；相反Stanley同鄧濤就比較I喇！
訪問期間當然要恭喜Stanley榮升人夫，佢就話同Alina嘅生活方式不變，仲話互嗌「老公老婆」會打冷震添！至於月尾嘅海外婚禮呢，Stanley就唔講咁多，希望保持低調。同樣要恭喜嘅當然仲有啱啱過咗34歲生日嘅「壽星仔」AK啦，佢就話今次生日喺美國過，仲可以同邱禮濤導演玩過山車係此行嘅「金色記憶球」！想睇三子Too much information就睇足本訪問啦！
