【Viu】相隔11年，許志安昨晚（8日）起一連三晚重踏紅館，舉行《On Stage》演唱會。首場以Deep V西裝型爆登場，唱《Remember Me》揭序幕，之後《學行》一出，全場即刻集體返晒嚟。安仔狀態大勇，又跳又除衫，麒麟臂乍現，尖叫聲幾乎震冧紅館！
嘉賓Eason陳奕迅現身，兩人拖手合唱《幸福摩天輪》及《從沒這麼愛戀過》，火花十足。Eason一開口即搞氣氛：「多謝你叫我嚟玩，我呢條路係咪搞掂呀？」又自爆未出碟時在錄音室聽安仔錄《男人最痛》，聽到打冷震，笑言安仔唱功長期Top 3，「唔係客套，係真有Feel」。安仔聞言即叫：「唔好講到我咁冷門！」Eason仲順勢幫安仔推銷93年舊碟，搞到安仔哭笑不得。
Eason大讚安仔唱歌有Feel，仲話自己似聽Hi-Fi。兩人互笠高帽又互窒，場面溫馨又爆笑。安仔感謝Eason「喺自己舞台同大家分享我哋嘅歌」，Eason最後即預祝他餘下兩場繼續Enjoy！
