【Viu】Stephy鄧麗欣同許志安今晚喺《第八屆 KKBOX 香港風雲榜－ Music Reborn》分別同Jerdan、Jer合唱，Stephy笑認每次見到Jerdan都會諗起《男排女將》，後台合照時仲即約打麻將，又自爆唔怕天仙局，因為曾經喺麻將枱上贏過Edan同Fatboy。講到早前喺晚宴演出失準，Stephy還原事發過程，其實係因為氣管敏感，仲話呢排好黑仔，連腳都拗親，但男友見自己心情冇乜影響都冇特別安慰！Stephy又親解「抄畫風波」，大家細心聽吓就一清二楚㗎喇！
許志安就大讚Jer風格獨特，仲話為咗準備呢個合作，聽咗「Jer歌」成個月，已經入坑變「柳柳粉」，仲導埋Sammi聽阿Jer添！想知就睇足本訪問啦！
