【Viu】許志安適逢今年出道40周年，今日宣布將喺10月頭舉行3場紅館騷，搞笑話呢次申請係一擊即中，個感覺似係結咗婚之後即有B咁，3場等如三胞胎，開心到瞓唔着呀！咁會唔會「細胞分裂」變出「四胞胎」、「五胞胎」？
呢日影poster見安仔白背心配白裇衫，佢透露poster得一個look，就係白背心啦，主題係想搵返音樂嘅初心，仲話呢期堅係有勤力跑步操肌，所以識咗唔少跑友！咁到時會唔會喺個騷上面show一show個body先？
安仔再劇透個唱係三面台，必定大唱經典金曲呀！嘉賓方面又有冇得透露下先？佢話張衞健專登問佢請唔請嘉賓㗎，莫非張衞健想做？定搵老婆Sammi鄭秀文？安仔只肯預告未必一場得一個嘉賓，會攝高枕頭諗同邊個合唱最有回憶，依家暫時未有頭緒咁話！雖然未知Sammi係咪on list，但嚟緊Sammi開啟德騷，佢又會唔會繼續做嘉賓？
至於講到佢日前喺CHILL CLUB頒獎禮同「雙A」AK、Alton crossover跳唱，58歲嘅安仔興奮話覺得自己年輕咗，仲大讚雙A好有禮貌！而嚟緊佢就同Jer crossover，講返聽到金Jer喺CC唱《白金升降機》好正、好有個人character，期待嚟近嘅合作！喺呢個moment就先睇足本訪問！
