【Viu】BIG FOUR完成三場演唱會後繼續精靈受訪，張衞健、蘇永康同梁漢文仲送上蛋糕祝賀許志安8月12日58歲正日生日快樂，但就婉拒送上Birthday Kiss喇！BIG FOUR透露將會去多個地點舉行巡唱，希望下次再合體唔使等多12年，亦逐一分享開騷難忘事。
安仔直認選唱《我們都是這樣長大的》係送畀太太Sammi嘅禮物，所以頭兩場都好緊張，今場嘅表演總算滿意，Sammi都有讚好，亦感謝歌迷畀返信心佢，所以有啲歌忍唔住喊！
至於梁漢文踢爆赤腳著浴袍騷肌唱歌係Dicky嘅Idea，花咗幾個月時間操肌，仲專登修靚啲腳甲添呀！Dicky就話Eason喺後台表示唔記得咗當年曾經批評佢唱《身體健康》未夠好一事，開心得到唱得之人認同，但紅館solo con就留返畀三位兄弟喇，仲還原太太張茜以為「開窗會走wifi」嘅爆笑往事添！
對於囝囝Jazz獲讚靚仔，蘇永康搞笑話好彩唔似自己，仲話囝囝聽咗一次《赤子們》就已經識打，又開心share囝囝「質問」爸爸喺台上畀女圍嘅趣事，想知就睇足本訪問啦！
