【Viu】劇集《Court!》一眾演員Stanley邱士縉、Crystal張紋嘉、伍詠詩、葉澍欣、劉家聰、Jason雷濠權今日亮相《8點直樂》,分享拍攝趣事。「方官」Stanley、「方太」Crystal同「學生妹Ceci」伍詠詩直言不斷被親友追問裁判結果,但Stanley就認為開放式結局最好睇,仲話不斷覆Threads大收宣傳之效。Crystal就自覺鬧交戲好狠,被男友林子傑取笑係本色演出。伍詠詩就爆同Stanley嘅車廂有更激版本,只係被剪咗,好想睇呀!
講返Jerdan任兄弟團,Stanley就澄清Edan唔係次選,只係之前擔心阻住對方搵錢啫,又搞Gag話姜濤同Anson Lo主要負責畀錢,仲笑言要Mark低大家畀幾多人情添!
至於「X小姐」阿澍同「余大力」家聰好開心演出獲網友激讚,阿澍仲話對性感造型最淆底;家聰就話摸胸戲拍咗十幾Takes㗎!而「前男友」Jason原來同「X小姐」今日先第二次見面,又笑指MK本色係向隊友偷師,想知更多就睇足本訪問啦!
