【Viu】Michelle衛詩雅今日靚靚出席護膚品牌活動，笑話平時私下都會同醫美老公周醫生討論護膚品，搞笑話周醫生成日做report畀佢睇，唔知呢兩公婆有冇幫對方搽護膚品、敷面膜？有冇呢啲情趣？Michelle又有咩護膚tips醒大家？
估唔到Michelle都有容貌焦慮，事緣係拍電影成日素顏兼攞大頭！佢喺活動上又透露呢期睇緊唔少劇本，有冇機會係熟悉嘅班底？《破·地獄》原班人馬再encore？Michelle指都想拍喜劇，搞笑話拍《破·地獄》嗰期周醫生成日唔敢同佢講嘢㗎，驚畀佢破地獄咁話，SLDPK！Happy Wife，Happy Husband！
日前佢孖老best陳家樂登上啟德主場館舞台，同Ken洪卓立有個crossover，Michelle沾沾話好威，光宗耀祖㗎！Michelle又指入行就認識家樂同Ken，啲回憶即刻返晒嚟，對有網民激讚佢滴眼淚係影后級演出，Michelle則謙稱歸功於Ken嘅功勞啦！
難得上啟德主場館，就諗起Michelle上次話挑戰唱電影主題曲，原來呢單嘢堅係有下文㗎！佢仲自爆有問Kenny關智斌有關學唱歌嘅嘢，仲想公開招募唱歌老師添，莫非好快就可以聽到Michelle美妙嘅歌聲？去片等Michelle親自講啦！
