【Viu】舞台劇《大龍鳳》今日舉行記招，張繼聰升呢變張監製，孖老best朱栢謙合作，朱謙自導自演，搵埋一眾年輕新演員Fish廖子妤、Lillian何嘉莉，吳冰@小薯茄、Elvin黃梓僑、「肥腸」徐浩昌、Bruce湯君慈、許月湘、趙君瑜、李玗蓁、黃詩詠參演，至於老闆古天樂就拍咗條片支持！
首任監製嘅阿聰搞笑話，平時喺廠景見到班演員都會被稱呼做「聰哥」，依家就要調返轉頭向班演員噓寒問暖，SLDPK！張監製仲話都有啲壓力㗎，希望唔好令古老闆蝕錢！唔知佢有冇諗過搵老婆謝安琪參演？Elvin、Bruce對呢位監製嘅首印象係點？
阿冰之前演嘅舞台劇主力都係同FINALLY合作，今次換咗一班英俊男子，佢笑容滿面話好好多，聲稱永遠都係反nally！肥腸則被張監製極力睇好，更揚言呢個角色會佢令發光發熱添，咁堅係好期待喎！阿聰仲透露埋同農夫《人夫集團》嘅籌備進度，歌頌老婆同時，又驚返唔到屋企，好似有啲矛盾噃！
而朱謙呢次更大享齊人之福，同時有兩個老婆Fish、Lillian，事前使唔使向「正印」老婆報定案先？Fish指上次同朱謙合作係繼父同阿女，呢次就變「亂倫」，都係一種緣份嚟嘅，笑話再下次就可以挑戰做媽咪同阿仔，有啲料到喎！
首踏戲劇舞台嘅Lillian，表示恨咗呢個機會好耐，抱住邊玩邊學習嘅心態！唔知佢同Fish有冇做定心理準備要喪忍笑？Fish signature嘅土撥鼠叫會唔會加入其中？自導自演嘅朱謙又會唔會自肥加戲？憑同劇再衝影帝？另外，佢哋又會唔會使出黃牌，呼叫古天樂粉墨登場？足本訪問is ready！
