【Viu】Fish廖子妤以活動大使身份出席「全港戲院日2026」記者會，講到儀式有「拆禮物」環節，笑問有冇諗過男友會驚喜現身，Fish竟然爆笑話一度以為係有份拍攝宣傳片嘅甄子丹會彈出嚟，好有畫面呀！Fish又分享當年第一次入戲院就係睇林正英嘅殭屍片，仲自爆當年因為學校爆出殭屍傳聞而做「傻事」，好Cute呀！
至於金像獎將於周日舉行，提名影后嘅Fish直認心情越嚟越緊張，最驚自己仆親或出醜，又笑認身材冇乜好睇，唯有「露面」啦，喂呀！咁好笑得唔得㗎！大方嘅Fish又笑談畀網友翻炒舊相，被指似少爺占 x 胡子彤；仲講返小野以往嘅善舉，超Sweet！
此外，陳茂賢導演透露已寫完新劇本，仲交咗畀「祖師爺」許冠文同子華神睇，希望有機會繼《破．地獄》後再促成「兩神合體」咁話！想知就睇足本訪問啦！
