【Viu】電影《夜王》今日舉行「東日慶功宴」，宣布票房衝破一億一千萬，吳煒倫導演揚言爭幾廿萬就可以衝破《毒舌大狀》，登上港產電影票房第二位，呢單嘢堅係要集氣呀！黃子華更割愛送咗個家傳名打火機畀吳導，笑言早已謀住吳導有件Tee想要，吳導又會唔會割愛？定係送多個角色畀子華神？見子華神攬實阿Dee，莫非想拍BL劇？佢即搞爛gag笑BL for Big Lam（舐）！
是夜未見「V姐」Sammi鄭秀文現身，下次喺啟德搞個多個慶功宴？子華神仲話呢套戲夠旺，拍完多咗位影后Fish廖子妤，咁佢有冇信心憑「歡哥」衝影帝？謝君豪排完舞台劇即趕過嚟慶功，笑指葛民輝一排劇就收晒聲！咁唔知《夜王》有冇機開舞台劇版？
阿Dee同Renci楊偲泳都話已經睇咗導演版，講到場纏綿戲即刻話唔敢睇，認真笑爆嘴！Renci指對比起其他地方，原來佢哋係比較保守，咁即係下次可以更纏綿、更激？有冇底線？提到底線，阿Dee舉手話有嘢發表，自爆有向朋友提議過同魏浚笙、柯煒林拍BL劇，結果如何？
睇過導演版嘅「小野」盧鎮業、芯駖、Mandy譚旻萱逐一開心share睇後感，芯駖、Mandy都話very揪心，加咗好多辛酸背景，其中Mandy有幕係被子華神攬實喊，勁有爸爸feel！Louise王丹妮就預告美背放題，係從影以嚟最大尺度，但若然下次要再激啲就要問准屋企「嗰件」先！
Mandy、Louise喺金像獎同「有錢人」姜濤拍咗條reels，idea係嚟自邊個？Lokman、AK堅係夾計整蠱姜濤？小野就透露Kiss Cam嗰part有事先同金像獎嘅創作組夾咗嘅，所以嗰陣係專登交戲！佢同咗出爐影后兼女友Fish慶祝未？即刻去睇足本訪問片！
