導演吳煒倫、黃子華、鄭秀文、Dee何啟華、「阿卵」楊偉倫、「小野」盧鎮業、楊偲泳、李芯駖、麗英、譚旻萱、林熙彤今日出席「《夜王》衝擊1億票房答謝會」，預祝票房即將衝破1億，成為第四套破億票房嘅港產片，仲同各位「老闆」合照酬賓，絕對冇揀客㗎！
對於獲吳導封為「億神」，4套破億神作有3套由子華神演出，子華神謙稱只係「億生菌」，仲話如果可以提早喺今晚破億就去尖東開夜場賣魚蛋。至於麗英提議著護士服派1億福利，Sammi當然夠膽跟啦，仲話制服誘惑難唔到自己，期待Max呀！講到導演笑言如果原班人馬開續集可以拍精神病院題材，子華神同Sammi都自薦演院友，仲自誇形神俱備添！
至於Dee哥、阿卵同小野就話如果開醫院題材，唔會揀做醫生或護士，反而想做內臟，仲即席結拜做「鹵水三兄弟」，笑Cry呀！
此外，楊偲泳、李芯駖、麗英、譚旻萱同林熙彤就話願意為子華神「再下海」做「魚蛋妹」，想笑餐飽就睇足本訪問啦！
