【Viu】Jason陳柏宇今日出席《JASON CHAN LIVE IN FRAMES 20TH ANNIVERSARY CONCERT》記者會，宣布嚟緊7月喺紅館舉行2場演唱會，仲即席獻唱幾首歌助興！Jason受訪時講到個唱日期接近7月20日佢43歲生日，會唔會正日都加場同fans一齊過就未知，生日開騷佢話未試過呀，可以同fans過但冇得同家人過，有好有唔好啦！
Jason話為個唱揀歌，度rundown係超唔容易，「想唱平時少唱嘅歌，又想擺啲好有意義嘅歌，不過又可能大家未必最想聽嘅歌，咁又要篩走大家好想聽嘅...」，聽見到矛盾呀！咁佢話可能畀fans投吓票唱邊啲sidetrack囉！ 咁跳唔跳舞呢？Jason話點都會郁吓，不過多極有個譜，佢呢個年紀，做運動都係為健康，唔係為線條同表演而做！
至於嘉賓方面，請唔請都未知，會俾兩個囡囡上台表演？佢話阿女太細，想睇多過想參與，到佢哋有咁嘅能力可能都要等到30或者35周年喎！
講到Jason喺threads話撞返17年前拍佢唱《你瞞我瞞》時動L條片個女仔，覺得好神奇，佢回憶返個女仔當時唔係出function嘅fans，唔係成日見，所以喺條街撞返係奇遇，相認時覺得終於見到面，都有selfie合照留念，仲邀請對方嚟睇演唱會，Jason覺得呢條片係唱歌事業嘅一個難忘事情！咁又係，唱唱吓歌都可以動L，確係好經典嘅！快啲睇足本訪問啦！
