【Viu】Kelly陳慧琳、Lolly Talk、陳柏宇,同新鮮滾熱辣出爐嘅金曲歌王HUSH,噚晚齊齊唱爆「維港水上音樂會」,Kelly打頭陣以華麗造型亮相特別建造嘅水上舞台,甫出場已經令觀眾瘋狂尖叫,先以快歌《談情的價值》炒熱氣氛,再唱出《花花宇宙》集體回憶,掀起全場高潮!
而女團Lolly Talk亦連續唱出《五種愛的蜜語》同《三分甜》,8位囡囡喺台上嘅演出,即刻電暈全場男仕啊!Jason陳柏宇亦大晒靚聲,獻唱《有天》、《令人期待的下集預告》,令觀眾聽出耳油。最後,金曲歌王HUSH就為香港樂迷送上《都會愛情三角習題》以及《衣櫃歌手》,HUSH首次喺躉船上表演,加上維港美景,獻唱時都格外投入,希望為大家帶來歡樂的時光。