【Viu】《陳柏宇LIFE IS LIVE演唱會2025》今晚喺會展順利舉行頭場，Jason惹上感冒帶病上陣，但亦盡力表演，唱《魔法戰隊》時更玩埋吊威也飛出場，Respect呀！之後連唱《樓上裝修》同《Cheat Day x Out Of The Loop》，都有輕輕跳幾嘢㗎！仲唱埋未出街嘅新歌《漂流木》添！
不過陳伯都有老貓燒鬚一刻，唱到經典歌《你瞞我瞞》假音位就走咗少少音，騷後受訪佢就冇有怕話：「病都冇計啦！」咁吊威也時有冇「戚袋袋」？驚唔驚重施故技動L？陳伯又感激家中長輩輪流煲湯侍候，更分享大女Abi恨上台兼要求跟爸爸老師學唱歌。
今晚除咗老婆仔女屋企人嚟打氣，又點少得Sony班兄弟姊妹林奕匡、黃妍、Sandy@per se、Stephen@per se、力臻嚟撐場欣賞呢，仲有小薯茄代表J哥孖童童。想聽靚聲，入嚟睇片啦！
