【Viu】《陳柏宇LIFE IS LIVE演唱會2025》尾場噚晚超額完成。前晚帶病上陣聲帶腫漲嘅Jason老貓燒鬚，唱到經典歌《你瞞我瞞》假音位竟失準，佢都自嘲話：「噚（前）日嚟過嘅朋友你哋欣賞到前所未有嘅《你瞞我瞞》版本，今（昨）晚我哋再挑戰多次，如果唔得，以後都唔會再唱，過去咗喇，呢個以前嘅風光。」不過陳伯噚晚狀態回勇，「覆桌」《你瞞我瞞》時假音再現。
愈唱愈有嘅Jason，唱到《可靠我》時，仲走近台前，同合唱呢首歌嘅座上客sica何洛瑤互動，sica更唱咗兩嘴，勁Hyper！陳伯更自製握手位，太太Leanne抱住細女Audrey行去台前錫錫爸爸，溫馨指數Max！想繼續聽陳伯靚聲？入嚟睇現場實況片啦！
