【Viu】Marf@COLLAR每次現身都有驚喜！佢今晚以一頭清爽短髮look出席慈善晚宴，講到Muffins出錢包咗一圍枱，Marf大讚Muffins好善良，希望之後可以再join佢哋做義工！見Marf出story勁hyper話同偶像XG怪物女團「合作」，有冇機會將呢件事變成真先？佢又笑話想喺今年個Halloween cover一下呢個金人look，呢單都留名等睇！
Cloud雲浩影孖Feanna黃淑蔓現身慈善晚宴，見Feanna瘦咗成個碼有多，佢開心報喜話見完營養師後減咗成10kg，超勁呀！Feanna再set target，年尾再減多3kg，莫非有大事要發生？要開演唱會？會唔會follow Cloud着黑絲跳sexy舞？而講起跳舞，Cloud最近都有同「師兄」Anson Lo crossover跳《Lemonade》，當中有咩趣事發生？
嚟緊Cloud就瞓身排練舞台劇《Y2K前的綁架》，會唔會被麥東搶走啲仙氣？Feanna日前捲「W姓女歌手」風波，呢日佢再三否認係當事人，當初見到報導嗰陣都少驚，媽咪更係好憤怒！
壓軸出場嘅Jason陳柏宇勁晒「老鼠仔」，有啲料到喎！呢期佢又再密密去gym room，希望可以再減多5%嘅body fat！嚟緊Jason就會去東莞開騷，會唔會帶埋老婆同一對寶貝女？Jason又笑話「大學生」Audrey最近上數學堂，返屋企寫數目字「7」送畀佢，背後有冇含意㗎？大女Abi參演試當真短片大賽嘅參賽作品，Jason爆Abi喪loop自己演出，係咪諗住原地出道？想知就要睇足本訪問啦！
