【Viu】古天樂今日以HONG KONG COMIC CON 2026活動大使身份現身記招，帶同喺法國買嘅私人珍藏黑武士figure到現場，並預告到時會嚴選多10件珍藏去活動畀大家欣賞！古生話因為個倉已經擺唔落，所以依家會忍手唔再買figure，定會買多個倉放玩具？到時活動會唔會率先公開《明日戰記》動畫版片段？會唔會cosplay埋一份？
噚晚（31日）無預警之下推新歌《世紀大騙局》，古生話個MV一開始都係諗以卡通方法呈現，集合晒佢出道以嚟演過嘅角色，其中入面有隻黑貓，古生話呢個surprise遲啲公開！「古生」喺MV ending降落喺啟德，係暗示遲啲喺啟德開騷？開騷嘅話係世紀大集合？還林峯心願crossover跳唱？
另外，早前古生喺香港科技大學被野生捕獲，揸機同班學生拍片，古生拍緊啲咩？係咪要做YouTuber？李家鼎前妻施明因肺炎離世，古生表示有慰問鼎爺，覺得好可惜，希望施明一路好走。
