【Viu】ViuTV新劇《瑪嘉烈與大衛系列 絲絲》噚日進行開鏡拜神，Fish廖子妤、Peter陳湛文、Michelle衛詩雅、來自台灣嘅金鐘視帝型男傅孟柏現身儀式。
其中Fish同傅孟柏以「情侶裝」受訪，後者話係首次嚟香港拍劇，大約會留兩個月，漸漸習慣香港嘅開工模式，但就搞笑呻飯錢同車費都好貴，當然唔少得指廣東話超級難學！不過Fish大讚傅孟柏有語言天分，好快識聽、識講，一嚟先學講粗口，果然係學語言嘅門檻！
Fish仲話一知道對手係猛料之人，就好期待合作，又冧爆笑話劇組對佢好好！而日前佢唔小心整傷腳，佢話已經好番好多，反而係擔心中招後聲沙呢個「後遺症」！
Peter同Michelle喺劇中屬戀人未滿，不停玩曖昧，令佢哋演起上嚟都好激氣！Michelle聞Fish整傷腳，佢都自爆早前食龍蝦肉咬崩牙奇事，又抵死笑問Peter一個「魚與熊掌」趣怪題，想知條問題係咩？快啲去睇訪問片啦！
