【Viu】事隔六年、幾經波折，由黃又南、蔡卓妍、徐天佑同衛詩雅等主演嘅《再見UFO》終於上映喇，又南坦言一度擔心呢套戲會成為「都巿傳說」，事關拍攝過程好辛苦，飾演血癌病人嘅佢，仲自爆其中一場雨中喊戲係自己主動要求重拍，唔想留有遺憾咁話！
講到又南憑《再見UFO》提名金像獎「最佳男配角」，亦係佢繼《香港有個荷李活》同《一碌蔗》提名「最佳新演員」後，相隔23年再獲提名，經歷過娛樂圈黃金年代，亦受過情緒病困擾，最近連巴士都揸埋，梗係要聽又南親身分享，細味「我沒祈禱 當天又藍便叫好；心跳繼續 才是瑰寶！」嘅五味人生啦！
