【Viu】《再見UFO》今晚舉行群星好友特典場，除咗一班演員黃又南、Alex杜德偉、JJ賈曉晨、Rachel梁雍婷、朱栢康、李尚正等出席，MIRROR成員Edan、Lokman、Jer、Jeremy、Alton都孖師弟Teller 、Zpot嚟撐場。Edan睇完戲分享感受，幽默指戲中一位童星超可愛，直情可以帶返屋企做寵物嘅級數。而Lokman就感觸話：「過去好美麗，但唔好忘記現在，得閒攞返架UFO出嚟望下，咁就有力量。」Jer亦話：「鍾意ending，再次見返UFO時，睇返細個自己嘅純真，會點面對呢？」
李尚正受訪笑稱今晚入場唔使錢兼冇帶紙巾，所以忍住冇喊，講到獲老best Lokman撐場，曾為周星馳編劇嘅佢話希望寫個劇本同Lokman演出，是咪聽者有份？Rachel即舉手話想孖正爺去旅行。飾演自細患血癌嘅又南，重提8年前拍呢部戲時因剛做完演唱會練到一身肌肉，卻要喺1個月內減肥，回憶滿滿！佢又透露想再操肌除衫影輯靚相，會唔會全裸呢？
另外演夫婦嘅Alex同JJ今晚都勁感觸眼濕濕，Alex話離開影圈多年發展歌唱事業，原來拍戲感覺冇變過。佢又開心憑《風林火山》提名金像獎「最佳男配角」。而久未喺香港露面嘅JJ坦言有要求老公樊少皇同兩個囡囡返「家鄉」香港定居，仲笑稱恨同老公演對手戲趁機報仇，仲霸氣話要同擁兩個老公添！想笑死就快啲睇訪問片啦！
