【Viu】黃又南同Jennifer余香凝喺新片《死屍死時四十四》飾演一對夫妻，屋企成員仲有囡囡、外母Mo姐同埋舅仔阿卵。呢齣戲雲集咗唔少好戲之人，可以令每位演員都發揮到最佳效果，導演何爵天真係功不可沒，又南形容何導係個電影癡，一本活生生嘅電影字典。
兩位今次第一次合作，就要拍一場㷫恰恰嘅親熱戲，又南仲搞到大汗疊細汗添；見到Jennifer喺戲中，以一身桃紅色空姐look引誘老公，真係sexy到爆呀，原來成為一位空姐，係佢夢寐以求嘅職業嚟架。又南20年前同徐天佑組成Shine出道，作為元組級男子組合，佢話好欣賞MIRROR ，特別讚阿Jer演戲自然，而Edan亦有驚喜噃。就嚟40歲嘅又南目前單身，佢自爆心急結婚生仔，開工時仲不斷捉住Jennifer傾湊仔經添！
