兩位男神Stanley@MIRROR、Will Or柯煒林今日齊以西裝look現身活動喪放電，除咗互摸心口之外，仲輪住除鈕添，乜個活動咁火辣㗎咩？Stanley亦堅係順應Team Stanley意戴眼鏡，成個霸道總裁味道即刻出晒嚟呀！
講到Stanley噚日出席香港電影編劇家協會春茗，佢話要多謝陳茂賢邀請，開心見到「三金影后」章子怡，又話雖然冇乜點集郵，但就有同許冠文、張家輝等打招呼，甚至畀咗個credit經理人，大讚對方有帶佢不停認識導演、監製！
今年有冇機會見到Stanley嘅電影作品？《IT狗2.0》終於喺4月面世？佢仲透露依家同時拍劇又拍戲，動作類型？係壞壞嘅角色？喺full schedule之下，仲有冇時間籌備年尾結婚個大project？
Stanley日前孖「睇騷之鬼」Jeremy睇騷，搞笑話主力係撐林宥嘉、側田、吳林峰，Jer聽到會唔會好傷心㗎？幾時排《坐看雲起時》part舞畀Jer？而呢日Stanley仲爆咗MIRROR團歌錄音中、MV都mark咗期拍添，幾時出？會唔會就喺MIRO fans meeting上唱？Stanley更配合Garden Party主題，拋咗條四面佛獻萬壽菊兼灑聖水嘅絕世好橋出嚟，SLDPK！
Will Or開心報喜話《大濛》終於喺香港上映啦！佢話係時候做個「找數真漢子」，因為承諾過會請專登飛去台灣睇戲嘅香港fans再入場睇戲，依家就諗緊點樣實行！嚟緊仲會展開馬拉松式謝票？見Will Or最近睇緊劇本，係咪準備開戲？想知就去片睇足本訪問啦！
