【Viu】張家輝、陳法拉、張繼聰、Kay謝安琪等今日出席《香港電影編劇家協會春茗及頒獎典禮》，家輝直言對憑《贖夢》首度提名金像影后嘅法拉有信心，希望電影可以掃獎，但入圍「最佳原創電影歌曲」嘅佢就因為撞期無法出席頒獎禮，各位網友最期待嘅唱Live畫面落空啦！
雖然家輝哥笑指對唱歌冇熱誠，只剩興趣，但訪問時都大開金口唱賀年歌，可惜冇興趣效法古天樂出碟兼爭「我最喜愛的男歌手」。不過，當法拉提議出合唱歌時，家輝哥又點回應呢？
至於阿聰同阿Kay當然繼續放閃，阿聰話今年首次留家慶祝老婆生日，事關阿仔去咗澳洲讀書，想全家人喺屋企facetime齊齊慶祝。笑問想唔想阿仔之後帶個靚女老外同學返港探親呢？聰Kay就有意見分歧喇！想笑餐飽就睇足本訪問啦！
