【Viu】ViuTV新節目《足球女將2》殺到！22位「螢花」女將今日現身記者會，席間宣布S1嘅MVP球員郭思回歸，同埋公布球隊主教練為有「神童」之稱嘅前香港足球員盧均宜擔任！早前螢花喺IG向球迷「下戰書」，每當IG多一個follower就的一下波，佢哋呢日同埋教練、助教們齊齊找數，total的足過千下！之後仲抽出幸運嘅球迷一齊玩遊戲！
領隊Keyman笑言未試過畀咁多靚女圍，原來都幾幸福咁話！佢仲暗藏一重要職位，就係隊中嘅攝影師，唔知Keyman係咪專影黑圖㗎呢？Keyman又分別點名兩位成員Rose Ma、NB，邊個鍾意影相？邊個見鏡頭就避？
上屆助教Brian陳安立雖然喺今屆未有參與，但疑似被Keyman踢爆都有落場探下班女將喎！Brian同Keyman不約而同大讚「螢花之母」Kathy仔變化得最大，成個氣場唔同晒！本尊Kathy仔就話喺今季會更努力去進步，又叫大家期待邊個擔任隊長呢個位！
以MVP光環驚喜再現嘅郭思，謙稱冇諗過大家咁想佢歸隊，又大方話MVP只係個名，唔會有壓力，會同班新嘅「女朋友」一齊重新學習！Rose Ma為咗令大家更早建立bonding，主動搞咗個聖誕party，唔知佢有冇盡「防曬大使」身分開心share防曬tips？Flavia就話今季要擺脫「容易受傷的球員」呢個朵，佢又做唔做到？
新成員之一嘅Vian、Cathy、凱程、Faye都話好期待同師姐喺球場上合作，呢4位成員分別都有運動底，會唔會更有利發揮？除咗Cathy之外，Vian、凱程、Faye都入咗黑洞組，佢哋有冇好氣餒？Cathy獲得媽咪媚姨支持踢波未？遲吓喺4月舉行終極一戰，會唔會見到媚姨做啦啦隊打氣？另外，Keyman劇透咗全部人都有感動爆喊時刻，係咪包括埋佢自己？想知就即刻睇足本訪問啦！
