【Viu】COLLAR成員Ivy So蘇雅琳同Brian陳安立喺ViuTV新劇《飛黃騰達》入面，分別飾演「慳妹」C Ling同歐陽，後者仲會慢慢黑化，變成「壞咗嘅人」，向來形象健康嘅Brian都話好大挑戰呀！講到Ivy喺前作《和解在後》嘅演技亮眼，《飛》劇同樣備受網友讚許，Brain都對佢有讚冇彈，激讚Ivy係「天才演員」，仲連環爆「蘇腫」秘密添呀！
Ivy就話為咗keep fit，幾乎冇啖好食，加上首次挑戰30集長劇，仲要兼顧COLLAR工作，已經練成隨時瞓覺絕技，可惜因為體脂低而怕凍咁解囉！休息不足難免眼花花，Ivy同Brian就大爆拍檔George嘅恐怖靈異經歷，細膽嘅朋友記得搵個Friend陪睇訪問喇！
