【Viu】ViuTV運動真人騷《公司逼我打籃球》現正熱播中，小編邀請到「搞手」之一「旁白君」文卓森，以及「愛晴當入樽」成員Brian陳安立為大家拆解「Can Dunk」呢隊波，同經典漫畫《男兒當入樽》嘅微妙關係，到底193、Fatboy、Candy、George、希晉、亨仔、Tsoul似邊個角色呢？就等旁白君同Brian逐一為大家拆解啦！
節目中除咗輯錄「愛晴當入樽」成長，以及對戰唔同球隊嘅賽事，早排仲特登搞咗個《生啤盃》，連姜濤、Edan、Stanley同張繼聰都有參加，旁白君同Brian又點睇呢班「球痴」呢？佢哋喺籃球場上又有咩得著呢？相信呢個專訪一定可以滿足到各位Fans嘅好奇心！
