【Viu】「秦王」林峯、「琴清」Sonija郭羡妮、「善柔」滕麗名、「石頭」張繼聰今晚出席《尋秦記》首映夜一齊受訪，阿聰爆因為有啲場口係喺今年再補拍，當年嘅戲服家陣唔啱着，原來阿聰當年係準備拍《金童》中，所以體重高峰期有200磅，被古生笑唔連戲呀！如今《尋秦記》、《金童》一同面世，後者更衝破千萬票房，阿聰有咩感受？
佢哋更齊齊重提拍電視劇嘅趣事，阿峯話當年面對千名士兵跪佢而感到腳軟！而Sonija就話《尋秦記》係佢第一部電視劇，拍完覺唔覺得辛苦？有冇被嚇怕？見佢喺電影花絮敏捷跳入木頭車，身手了得背後有武指老公朱少傑幫手練武？
「李斯」陳國邦、「滕翼」黃文標、「陶總管」歐瑞偉孖住現身，異口同聲咁話等上映等咗好耐！其中陳國邦話好緊張，因為老婆羅敏莊今日生日，所以佢就去唔到party，唔知今晚使唔使跪玻璃啦！佢哋又大談同古生再合作嘅感覺，估唔估到昔日嘅小生會變娛樂大亨？
標叔叔指今次電影版少咗二弟係爭少少，之後有冇機會三兄弟團聚？笑問陳國邦知唔知多咗個英文名Silly？《尋秦記》事隔25年上電影版Silly唔Silly？想知陳國邦點答就要睇片啦！
