【Viu】「櫈神」林峯今日一身deep V出活動搵真銀！講到再次同「常在心」鍾嘉欣合作，阿峯開心話係一件好難得嘅事，都算過足戲癮，未知之後有冇機會喺戲劇上合作？阿峯透露私下有同嘉欣傾生B經，莫非佢想生多幾件？咁啱阿峯一家三口啱啱去完兩星期family trip，三個人去四個人返？阿峯回應堅係耐人尋味！
阿峯話呢次旅程玩足新加坡、悉尼、墨爾本，大讚Luna勁行得，不禁大叫佩服！笑問Luna對佢不斷被fans集郵有咩睇法？阿峯個答案勁抵死！仲有講到Luna對佢紅館騷個comment係「仲想睇」，之後咪可以一齊走tour？阿峯預告會帶埋張專屬櫈去tour，唔知娜姐又會唔會陪同？「失蹤人口」徐子珊近日蒲頭，會搵對方做嘉賓？
另外，阿峯透露月底同張繼聰、Stephy嘅拉闊騷已經開咗會，覺得成件事好癲，感覺係攰過自己開騷，癲嘅原因係因為有阿聰？女團舞練成點？到時會唔會一齊let’s get wet？阿峯笑言要睇睇場地嘅去水系統！想知道阿峯仲爆咗啲咩內幕？即刻去片！
