【Viu】林峯今日現身月餅活動，提早同大家慶祝中秋！佢透露今年中秋就應該會係喺世巡中渡過，又指呢次世巡將於9月喺廣州開唱，為期4個月，阿峯開心話再次打破自己紀錄，暫定唱近20個站，唔知佢最想去邊個地方開騷？
想睇阿峯開騷都唔使等到9月嘅，今個星期六（30日）就係佢同張繼聰、Stephy鄧麗欣嘅拉闊騷！不過其實自上次見到阿峯，就聽見佢有咳，今日好似仲咳得嚴重咗，擔唔擔心會影響演出？Stephy有招燉橙加鹽嘅秘方，唔知又work唔work呢？
除咗身體之外，阿峯笑言都擔心冇時間練舞，事關原來佢哋得4日時間排舞，再講緊嘅係跳舞佔成個騷一半！令阿峯有感而發話好似返返去參加慈善騷，要喺有限時間內練成絕技，所以佢預咗到時會同阿聰即場設計新step，互相爆肚接招！留名等睇兩位型男大跳女團舞呀！依家就睇住足本訪問先！
