【Viu】Lyman香胤宅、Sinnie吳倩怡同J.Arie主演嘅音樂劇《愛登士家庭》噚日圓滿結束，COLLAR隊長Gao同男友Luen Mo、Yoyo葛綽瑤專誠捧場，當然唔少得「香太」劉舜儀啦！
Lyman同Sinnie互爆蝦碌「焗蟹」趣事，Sinnie仲讚Lyman嘅中文進步咗好多，Lyman亦沾沾話中文程度已經由小朋友「跳班」至小三，依家去茶餐廳可以輕鬆落單，仲搞笑話要多謝觀音！Lyman又分享點樣用「Ly文」去「翻譯」中文劇本，最感激太太做補習老師，仲話綵排時病倒，全靠老婆「愛心靚湯」先好返咋！原來Sinnie都同病相憐，自爆綵排時病到九彩，食特效藥又驚腫口腫面，好彩趕得切開騷前好返咋！
講到2026年大計，Lyman希望挑戰全中文劇集，仲鎖定咗幾位MIRROR師兄添；Sinnie同樣演出戲癮喎！想知就睇足本訪問啦！
