【Viu】游學修首次同「Ca姐」Jessica以情侶檔出event，仲要一嚟就「啪啪啪」，咁激？大家唔好心邪，只係活動嘅gimmick嚟啫！點知同場仲有「第三者」Billy Choi，「三人行」變咗個「嬲」字！講返Billy同Ca姐「出軌」單嘢，Billy話冇諗過呢個宣傳會有咁大迴響，唔知當初喺Threads爆相嗰個係自己友、抑或真係有fans偷影？
Billy笑話當時firm呢個宣傳gimmick嗰陣係唔認識阿修，而佢自己就話有向女友申請，女友為配合del合照又出story暗示被「出軌」，咁咪好大犧牲？阿修抵死話對宣傳GD唔GD，但為人大方都唔介意，如果Ca姐遲吓出歌，阿修又配合放閃？
談及黃秋生狠批Tyson Yoshi首新歌《1994》MV垃圾，參演之一嘅阿修大膽笑話：「冇理過佢！佢有佢講，知佢咩事！」不過阿修指秋生私下有聯絡佢講返成件事，怕佢、Tyson、YT有誤會！阿修又預告《MK1994》下星期推出，會有驚喜客串！金像獎舉行在即，阿修又揀好戰衣未？Ca姐到時會陪行紅地氈、坐隔離？誓要打破「亞」修宿命？
同場Sinnie@Lolly Talk透露自己隊band同LT遲下會有新搞作！講到Elka被影到同樂隊Zpecial嘅鼓手煒賢拖手返唐樓，Sinnie笑指對佢嚟講要係special one先拖得手嘅，但佢話唔代Elka回應啦，交返個波畀姊妹！另一邊廂，有冇再關心Ah Yo嘅心情？佢自己又會唔會怕唔小心講錯嘢？足本訪問有答案！
