【Viu】GiGi梁詠琪今日 (3日) 夥新戲《逆轉上半場》導演黃柏基兼戲中小演員「OK仔」陳諾霆、「肥B」譚峻然、「阿倫」單焯翹去銅鑼灣突擊謝票。今朝先落機嘅Gi Gi，同老公、囡囡返咗西班牙陪老爺奶奶過聖誕，更整咗幾件巴塞刻名球衣贈小演員同觀眾，係愛呀！
GiGi又笑稱拍眾多電影首獲囡囡舉姆指驗收大讚最好睇。而滿腦足球魂嘅老公更妒忌對足球零認識嘅老婆可演足球教練。講到電影聖誕檔期上映，今日已剩勁少場次，GiGi坦言目前打逆境波心情複雜，但演員控制唔到。
咁又有冇關心兩位古生老友？古天樂驚傳喺內地做《尋秦記》巡迴謝票時身體不適入院，GiGi話聽日會孖古仔去澳門出任《全民造星VI》評判，希望對方冇事。而53歲古巨基元旦宣布再添一子，GiGi話睇新聞先知，大讚對方犀利。想知更多就入嚟睇訪問片啦！
