【viu】GiGi梁詠琪一連5場嘅Side Track音樂會《時間遇上我們～專屬的特別》，噚晚喺演藝劇院正式開鑼。頭場福利，GiGi就同歌迷開心些牙昔日珍藏，就係19歲初入行專程飛到日本影嘅雜誌《少年JUMP》封面，巧Pure巧True呀！而新晉演員兼「排球男神」Henry陳獻略，就喺台上演獨腳戲更彈結他伴奏，巧型呢！
一向感性嘅GiGi，喺唱《因果》時一度哽咽，佢更透露2004年被《因果》歌詞感動到喺錄音室喊足兩個鐘，行為實在太傻，但估唔到多年後依然俾份詞感動：「嗰陣時就話啫⋯唉⋯而家都仲係一個傻婆，唔好意思，等我平復一下先，等我飲啖水！」點知喺全場靜晒嘅環境下有男歌迷突然大叫：「你好靚呀！」冧到GiGi神回：「有幫助、有幫助。」笑C！
全晚GiGi仲有最強後盾西班牙籍老公Sergio同囡囡Sofia喺台下打氣，無價啦！想感受高妹GiGi有幾正？快啲入嚟睇現場實況片啦！
