【Viu】新城電台舉辦的《新城勁爆頒獎禮2024》圓滿結束！林家謙連奪「勁爆男歌手」金獎、「勁爆年度專輯」，慶功宴上孖同樣攞咗兩個獎嘅Jeffrey一齊受訪！積肥直言攞獎係對團隊嘅肯定，今年有份幫佢寫歌嘅家謙秒求慰勞，Jeffrey又點神回？家謙指呢年寫咗44.5首歌，打破自己紀錄，呢位少年堅係好拼勁喎！
啱啱出咗國語新碟嘅家謙，最近去咗台灣宣傳，被魏如萱搞笑改名做「冧家謙」，呢件事真係SLDPK！繼而家謙再爆歷來嘅花名，包括有林加印、林加場，企隔離嘅Jeffrey笑到有腹肌！再講到家謙同Tyson Yoshi喺threads打情罵俏，家謙又認唔認？
第一個頒獎禮就攞「勁爆女歌手」金獎嘅Gin Lee，hyper話好開心，有冇信心喺之後嘅頒獎禮再奪女金？講到佢力壓AGA獲獎，Gin Lee大方回應指邊個攞獎都開心！來年有咩大計？
攞到「勁爆十大卓越歌手」、「勁爆歌曲」嘅Alfred許廷鏗，最開心係同出道14年嘅戰友鄧小巧一齊攞獎！近期熱愛打羽毛球嘅Alfred，話想同Stanley battle身材同網球球技！好友Joyce鄭欣宜最近又被fans野生捕獲，Alfred笑話要撞到Joyce唔難，仲話約緊Joyce食飯，又指對方出歌嘅話會「還債」做MV男主角，但就堅拒拍親熱戲啦！
另外，對新城今屆頒獎禮缺少華納、寰亞歌手列席，新城首席營運總監馬浚偉婉拒回應，台長程凱欣代答指歡迎所有唱片公司參與頒獎禮。
