為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now.com】鄧麗欣（Stephy）一連3場首個紅館演唱會「STEP by STEPHY 鄧麗欣紅館演唱會2025」，昨晚(16日)圓滿落幕。尾場嘉賓打孖上，除了嘉賓環節有兩度飾演Stephy「細佬」的型男魏浚笙（Jeffrey）合唱情歌。Encore更有大彩蛋，Cookies相隔13年驚喜合體，全場大合唱《心急人上》、《Forever Friends》。
Stephy演唱《十分愛》後介紹表演嘉賓Jeffrey出場，二人合唱《好好戀愛》後擁抱。因為他們曾合作兩部電影都是演姊弟，所以「家姐」 「細佬」相稱。Jeffrey說：「知道家姐好鍾意畫畫，所以我就花咗啲心思，畫幅畫送俾你。」他畫了一個大眼睛、長髮，疑似Stephy的可愛女仔，畫風清純。
Stephy笑說：「我當你家人，之前唱《十分愛》避開你眼神，加埋今次唱《好好戀愛》，有啲亂倫嘅感覺，我當你係細佬。」Jeffrey說：「我都係當你家姐！」又笑言在台上結拜。又賣口乖讚Stephy「真人靚過上鏡」。Stephy讚他：「邊度有人又有禮貌又咁靚仔架？」
演唱會尾聲，Stephy演唱《Fantasy Tale》和《Let it Flow》，觀眾反應熱烈，都站起來跳舞，她說：「見你哋咁勁，送多份禮物畀你哋⋯」《心急人上》前奏響起，吳雨霏（Kary）、楊愛瑾（Miki）、區文詩（Angela）、何綺玲（Elaine）、馬思恆（Helena）及陳素瑩（Gloria）升上舞台，全場震撼尖叫，最尾齊擺甫士和一句「我哋係Cookies」掀回憶殺！
完場後，Stephy接受傳媒訪問，表示感激Cookies成員抽空演出，Stephy說：「我一直都好想呢個畫面可以第一次喺我紅館嘅舞台上呈現之外，我覺得好多觀眾都好想睇到，我好想大家好開心、好圓滿咁完成演唱會。」
還透露綵排時大家都哭了幾次，實在太感動，很珍惜彼此。被問Cookies會否重組出歌？Stephy表示不會，大家各有發展。她指今次紅館演唱會夢想成真，感恩團隊、歌迷和家人，自己亦付出超過100分。她說：「尤其是今晚，我去盡，有幾多畀幾多，見到大家嘅笑容同歡呼聲，我感覺大家都開心，好滿足！」
