【Viu】女神Stephy鄧麗欣、Amanda S.今日現身時裝品牌活動，靚靚亮相！啱啱先開完處女紅館騷嘅Stephy，事隔一個星期就開工搵真銀。講起shopping就撻着咗個hyper mode，雖然佢自稱慳妹一名，但一完騷就好想瘋狂online shopping慰勞自己，唔知Stephy清空咗幾多架購物車呢？
女神仲自爆啱啱同班好姊妹出trip享受陽光與海灘，提起佢上年激罕晒三點式火辣泳衣相晒「椰子」，唔知今次有冇影新相，派福利畀大家先？點知Stephy話同行朋友唔畀佢着三點式，點解嘅？佢口中嘅「朋友」定係指「男朋友」？話雖係個輕鬆trip，但Stephy每日都勁自律咁去做gym，仲影響埋身邊班姊妹，齊齊上晒癮咁！不過男朋友會唔會擔心佢過瘦㗎？
Stephy笑話依家仲J緊啲fan cam，希望有機會搞tour！騷後Theresa傅穎因缺席Cookies合體惹熱論，其後又爆喊開live講賺錢，Stephy指Cookies合體係開心事，唔想有啲唔好嘅聲音、是非出嚟，故唔想回應太多，怕會再生事端！唔知Cookies之後會唔會再合體？抑或等Kary開紅館騷先有機會見到呢個世紀大畫面？即刻去睇足本訪問！
