【Viu】女神Ali李佳芯今日以白色入膊窄裙look現身汽車品牌活動，舊東家繼續未有派要員採訪！女神笑話坐過佢車嘅朋友都唔敢再坐，不過佢利申自己手車好安全、車品又好，只係平時比較心急，仲話停車場係佢嘅剋星添！
講到Ali依家嘅最新工作動向，佢透露啱啱成立咗自己嘅工作室，呢位老闆娘仲親力親為咁設計工作室logo，是日活動更係工作室嘅「開齋」event！
盛傳古天樂旗下公司有向Ali招手，女神謙稱有同過唔同公司見面傾合作，對有指ViuTV有意斟酌拍劇，Ali坦言係有收過劇本、亦有casting過，咁即係有冇機？唔知女神又係咪愛情事業兩得意？有冇遇到合心意嘅白馬王子？唔使估估吓，等Ali親口話畀你哋聽！
