【Viu】由殿堂級導演杜琪峯領軍嘅ViuTV原創劇《三命》終於播出喇，劇集橫跨香港60年，平行三個宇宙，講述生於六十年代嘅駱澤信，中學時期遇上命運分岔點，分裂出三種命途包括漫畫家、公務員同黑幫人物。
由中葡混血兒蘇家樂擔任男主角，「Dee哥」何啟華、胡子彤同「肥腸」徐浩昌分別同三個平行時空嘅駱澤信有交集，共譜三段截然不同嘅人生經歷。首次同杜Sir合作，四位有咩得著呢？拍攝《三命》期間又有咩苦與樂呢？如果命運能選擇，蘇家樂、Dee哥、子彤同肥腸又認為自己嘅「人生轉捩點」係邊一個選擇呢？想知就睇呢個專訪啦！
