【Viu】「第18屆亞洲電影大獎」今日喺觀塘舉行預熱活動，分別請到來自日本、泰國、台灣、香港嘅男女神以大使身份出席，而且個個都話想同影帝梁朝偉合作。
曾喺香港出道嘅日本靚仔Dean藤岡靛孖另一男神岡田將生孖住訪問，Dean以流利國語表示逾20年冇嚟香港，今次帶埋印尼太太同仔女返嚟！提到曾同大S合作《轉角＊遇到愛》，佢透露當時初到台灣言語不通，幸得大S無限幫助，雖然10年冇見，得知對方離世消息感意外。
泰國男神Win Metawin就表示每次嚟香港嘅願望都係行主題樂園同拜神，可惜仲未有時間。佢又話恨同朝偉拍動作戲呀！咁想俾朝偉打？定打朝偉？
台灣男神林柏宏嚟香港僅逗留3日，來去匆匆有冇帶女友同行？佢笑笑口話「沒有」喇！問到王大陸涉逃兵役同教唆傷人，佢話同對方合作過，不過唔熟。
仲有小野盧鎮業，同憑電影《出貓特攻隊》喺全球爆紅嘅泰女星Aokbab Chutimon嘅精彩訪問，仲唔快啲睇片！
